|
|
| Presse |
Titel: Kerweredd 2001
Wann die Berne wor´n geernt,
die Quetsche soin entkernt,
im Herbst bei Äppelwoi unn Sauerkraut,
so mancher sich die Hos versaut.
Unn wann´s dann uff St. Gallus geht,
die Merfeller Kerb vor de Düre steht.
Unn so frach ich Eich, was iss dann heit,
wann de Vadder uff die Lader steit ?
Ei Kerb iss heit Ihr liewe Leit !
Ich hab hier so einiges notiert,
was im Ort so iss passiert,
was do so alles iss gewese,
des will ich Eich in maner Redd verlese.
Hallo Ihr Leit, ich bin de Vadder,
unn will Eich sage die Kerb, die wird grasser.
De Baum jetzt steht, es iss vollbracht,
jetzt wird gefeiert bis in die Nacht.
Es war geplant e große Saus
im nachelneie Berjerhaus.
Doch was e Pech, die Hütt net fertisch,
des warte druff war ganz schee nervisch.
Der Bau vum Berjerhaus, ich bring´s uff´n Punkt,
der war fer uns alle hier recht ungesund.
Die ganze Zeit hat ich e schlecht Gefühl im Mage,
hab viel gezittert die letzten Tage.
Am End´ hat´s net geklappt, die Sach iss gescheitert,
doch jetzt wird noch doller Kerb gefeiert.
Moi Kerweborsch, sinn dies Joahr super in Schuß,
die wern feiern bis zum Schluß.
Keine Angst vun dene fällt mir koaner in e Loch,
denn dafür steh ich als "Kerwe-Koch".
Drumm erklär ich hier mit Frack unn mit Schärp,
es lebe im Jahr ´01 die Kerb.
Desdeweje singe mer, unn des iss kloar :
Die Merfeller Kerb iss do !!!
Am Samstag letzt Joahr an Kerb
Noch war mer net richtig merb.
In de Wald enoi de Baum mußte mer holle
Da warn so einige von uns von de Rolle.
Uff de Autobahnbrick zogen drei recht munter
mal ganz schnell die Hose hinne runter.
Sie zeichte de Autofahrer es Hinterteil
Doch sie rechnete net mit de Luftpolizei.
So hatte mer die ganze Zeit eine Observation
Von de Polizei ihrer Hubschrauberdelegation.
Die Moral von dieser Geschicht:
Zeich nie auf de Autobahnbrick
De Autofahrer dein bestes Stück.
Es geschah am Kerwemontag, unn es war wie im Traum,
da stand en Borsch direkt am Zaun.
Denn was kannste im Ort schun anners schaffe,
mußte emol e Rabbelsche mache ?
Er steht da unn schifft uff de Rase,
unn leert so uff die schnelle soine Blase.
Es war kaum zu glabe, doch es kam knippeldick,
stand uff´m Grundstück en Hund, unn der pisste zurück.
Ihr Leit, es war net zu fasse,
brunzt doch der Hund dem Borsch uff die Schlappe.
Der Bub fand des gar net zum Lache.
Drum moin Borsch lass der was sache,
tu der am Montag net so die Bern zu hache.
Mir Kerweborsch, mir gesellische Brieder,
wern an Kerb vun Tag zu Tag mieder.
Beemscher holle, Liedscher singe, Faxe mache,
da kannste schun mal zusammeklappe.
Unn dann noch des Schoppetrinke,
manch oam tut´s dann schun mol stinke.
Unn kannste net mer bewesche doin eischene Schnabbel,
dann legst dich ofach in de "Goldene Appel".
Es gibt Leit die leje sich glei noch em Umzug do hie,
ei ham se schun e bisje viel vun de Brie.
Der Kerl vun dem die Redd iss, der iss net verkehrt,
unn wurd in diesem Joahr aach noch geehrt.
Er war letzt Joahr schun nach em Umzug merb,
dafür trägt er jetzt die silbern Schärp.
Macht er so weider kanns baal noch die Goldene soi,
ei hoffentlich schleeft uns der Kerl bei de Ehrung net oi.
Im Nachbarort letzt Joahr an Kerb mußte mer uns zammereise,
denn richtiche Kerweborsch hatte die Walldorfer net vorzuweise.
Der Jürgen May hat kräftisch fers Fest gesorgt,
unn hat sich uns Merfeller zum Einmarsch ausgeborgt.
Dies Joahr soll alles besser wern, stands schon zu lese,
mit 80 Kerweborsch, ich wünscht es wär schon gewese.
Es stand schon im Anzeiger ich konnt´s net fasse,
singe könne die Walldorfer anscheinend richtig klasse.
Trällern kenne se unner annerem schon zwei Lieder,
Die Walldorfer Kerb iss do, unn Kerweborsch soin lustje Brieder.
Ihr Walldorfer, ich wills Eich sache noch vor der Katastrophe,
des ganze iss nur ein Lied unn Ihr habt gesunge nur zwei Strophe.
Trotz allem winsch ich Eich fer dies Jahr viel Glick,
unn vor allem beim Singe recht viel Geschick.
Häufeln, streiche, kumuliere, panaschiere,
Wörter die im März dorsch die Kneipe kursierte.
Naja denk ich gehste mol wähle,
doch mußt de dich dodebei jetzt ordentlich quäle.
Erstemol derfste in de Schlange stehe,
unn mußt später im Kabinsche Doi Kreizscher gut zähle.
Wahlzettel groß wie e Wand,
jetzt brauchst beim Wähle aach noch Verstand.
Uffjedenfall kandidierte de Bernhard zum letzten Mal,
sellemohls fer die Berjermasterwahl.
Berjermaster, des wollte noch wern die Herrn Breidert unn Groß,
doch die Sach, die ging mächtig in die Hos.
So winkt de Bernhard emol links unn emol geradaus,
den Kerl, den kriest de aus em Rathaus net enaus.
Hier in Merfelle, unn des iss net schee,
tut mer sich mim Feiern manchmal weh.
Des Altstadtfest war frieher toll,
unn die Langgass war gestoppte voll.
Vum Fest jedoch blieb nur der Name,
denn gefeiert wurd in em annern Rahme.
Dodefiehr gab´s en handfeste Grund,
als ich den hörte wurd´s mir zu bunt.
Die Langgass iss vum Kulturhaus, was do eröffnet word,
ja fer die Leit viel zu weit fort.
Destewesche unn des sollt mer verstehe,
sollt des Kulturhaus im Mittelpunkt stehe.
Ich will Eich vun de Lader jetz vermelle :
Des Fest gehört an die aale Stelle !
Drum forder ich den Bernhard auf :
Des Fest muß zurück zum Schneikerhaus !!
Es war so Mitte August,
da verging so manchem die Lust,
denn mit de lokale Politik,
da machste im Ort was mit.
In de Stadtkass liegt scheinbar ne Menge Heu,
denn de Bernhard keeft jetzt richdisch oi.
Da war mer sich aach net zu schade,
unn keeft vum Justus de aale Lade.
De Justus unn des waas jeder Spross,
iss en aale SPD-Genoss.
Die ganz Sach, die iss dubios,
besonners de Preis, der iss famos.
550.000 Mark fer den aale Schuppe,
seid mer net bees, Ihr habt en Duppe.
Es gibt Sache die soin sonnerbar,
wie in Frankfert uff de IAA.
Nur Autos gucke zur Information,
iss uff Dauer koa Sensation.
Zwaa vun uns kame uff dumme Gedanke,
hat doch e Großleinwand in de Hall 8 gestande.
Se bemerkte do ganz unverdrosse,
des Ding iss ja am Internet ogeschlosse.
www.Merfeller-Kerweborsch.de
dachte se sich, des wär doch schee.
Ruck zuck, da iss es passiert,
da ham se en Merfeller Kerweborsch an die Wand projeziert.
Des rückgängig zu mache, war recht kompliziert,
so richtig hat des koaner kapiert.
Die Aussteller ham dann nix mehr gemacht,
unn so sah man de Borsch bis abends um acht.
In de Altstadt gibt´s net mehr viel Kneipe,
wo sich die Leit kenne die Zeit vertreibe.
Ihr Merfeller, des iss en Hohn,
am End vum Joahr erwischt´s die Kron.
Denn hier im Ort gibt´s en Kulturbanaus,
der schmeißt die Wertsleit ofach enaus.
Die ganz Sach tut mer kräftisch stinke,
wo kenne mer in Zukunft unsern Schoppe trinke ?
Denkt emol net an die Alltagssorje,
geht liwwer feiern bis zum Morje. Ich lad Eich all zum Feiern oi,
geht uff die Kerb, denn so muß des soi.
Dann brauch´s oam um die Kerb net bange zu werde,
denn die Merfeller Kerb, die derf net sterbe.
Ihr liewe Leit die Redd iss aus,
schnappt Eich e Bier, die Wutz laßt raus.
Ich wünsch Eich, unn des iss keine Frage,
aach in diesem Joahr, wirrer scheene Kerwedaache.
Unn die Merfeller Kerb sie lebe hoch !
Kerwevadder Kai Koch
Verfasst am: 30.10.2001 |
|
|
| Kerweborsch
aktuell: |
| Letzte Änderung: |
04.09.2010
|
| Nächste Kerb: |
15. bis 19. Oktober 2010
|
| Kerwevadder 2010 |
Christoph Geiss
|
|
